Hlaupið er ræst í Pósthússtrætinu sumardaginn fyrsta, 20. apríl kl. 12:00.
Skemmtiskokkið er ræst kl. 12:10 í Lækjargötunni fyrir framan MR.
Þátttakendur eru hvattir til þess að mæta tímanlega á keppnisstað og hafa hugfast að það getur tekið tíma að leggja bílum í miðbæ borgarinnar.
Skráning á vefnum er opin til 11:00 á hlaupdag.
Afsláttur af skráningargjaldi er veittur til og með 31. mars og gildir almennt gjald frá 1. apríl. Þátttökugjaldið hækkar á hlaupdag. Forskráning fer jafnframt fram í Sportvörum 19. apríl á milli kl. 12:00 og 18:00
Unnt er að skrá sig á hlaupadag í Ráðhúsi Reykjavíkur frá kl. 9:00-11:00 eða þar til 60 mínútum fyrir hlaup, keppendur eru vinsamlegast beðnir um að virða tímamörkin.
Forskráðir geta sótt gögnin sín í Sportvörur, Dalvegi 32a Kópavogi, 19. apríl á milli kl. 12:00 og 18:00.
Gögn verða afhent í Ráðhúsi Reykjavíkur hlaupdag á milli kl. 9:00 og 11:00 eða þar til 60 mínútum fyrir hlaup.
Þátttakendur eru vinsamlegast beðnir um að virða þau tímamörk. Við ábyrgjumst ekki að þeir sem mæta eftir kl. 11:00 fái afhent gögn fyrir ræsingu.
Boðið er upp á vatn og íþróttadrykk að hlaupi loknu.
Verðlaunaafhending fer fram við marksvæðið um skömmu eftir að fyrstu þrjár konur og þrír karlar eru komin í mark, áætlað um kl. 12:20.
Allir þátttakendur yngri en 15 ára í skemmtiskokki og Víðavangshlaupinu fá þátttökuverðlaun og ásamt glaðningi. Öðrum gefst kostur á að kaupa þátttökupening samhliða skráningu á 650 kr. Þátttökupeningar eru afhentir í marki.
Ekki eru veitt verðlaun fyrir sæti í 2,7 skemmtiskokki
Salernisaðstaða verða í Ráðhúsi Reykjavíkur ásamt fatageymslu.
Keppt er í 18 flokkum auk karla- og kvennaflokks:
Þar sem um götuhlaup er að ræða og umferð er mikil á hluta leiðarinnar eru þátttakendur beðnir að sýna varúð. Brautarvarsla verður við þau gatnamót þar sem umferð er þyngst. Mælst er til þess að öryggisástæðum að þátttakendur noti ekki iPod eða önnur álíka tæki í hlaupinu. Einnig er mælst til þess að þátttakendur hlaupi ekki með hlaupakerrur eða álíka (baby joggers).
Í götuhlaupum á vegum Frjálsíþróttadeildar ÍR gilda reglur alþjóðafrjálsíþróttasambandsins, World Athletics, um götuhlaup sem sjá má á vef Frjálsíþróttasambands Íslands og reglur FRÍ um framkvæmd götuhlaupa. Til viðbótar við þær reglur gilda einnig reglur frjálsíþróttadeildar ÍR um götuhlaup á vegum félagsins og eiga þátttakendur að kynna sér þær hér hér.
Þátttakendur í 5 km Víðavangshlaupi ÍR fá tímatökuflögu með sínum skráningargögnum. Tímatökuflagan er í rásnúmerinu en það þarf að vera sýnilegt að framan, fyrir ofan mitti, allt hlaupið og þurfa hlauparar að gæta að því að setja ekki hendur eða annað sem þeir hafa á sér, svo sem töskur, fyrir númerið. Án flögu fæst enginn tími. Flögutími gefur nákvæman persónulegan árangur hlaupara, óháð hve aftarlega í hópnum hann var við ræsingu. Einnig er tekinn tími frá því að startskot ríður af, sem kallast byssutími en það er sá tími sem gildir í keppninni og úrslit eru ákvörðuð út frá honum eins og alþjóðlegar reglur um lögleg götuhlaup segja til um.
Tímatöku og brautarvörslu lýkur 60 mínútum eftir að hlaupið er ræst. Úrslit verða birt í rauntíma auk þess sem tímar verða sendir í sms-i til hlaupara. Úrslit fyrir verðlaunasæti eru staðfest við verðlaunaafhendingu en að öðru leyti telst birting úrslita á timataka.net sem lögleg birting á úrslitum.
Samkvæmt reynslu síðustu ára koma alltaf upp einhverjar villur í stórum hlaupaviðburði á við Víðavangshlaupi ÍR sem þarf að lagfæra t.d. vegna þess að tímatökuflögur hafa ruglast milli fólks eða önnur mannleg mistök. Í langflestum tilvikum þá leysast slíkar villur og eru endanlega leiðrétt úrslit birt eigi síðar en miðnætti 14. maí 2021. Ábendingar um villur eða ef tíma vantar skal senda á hlaupstjóra eigi síðar en miðnætti 13. maí með upplýsingum um nafn, kennitölu, hlaupanúmer og áætlaðan tíma og við reynum að lagfæra úrslitin sem allra fyrst. Einnig er gott að fá upplýsingar um einhverja sem þú þekkir og komu á svipuðum tíma í markið.
Endanleg úrslit eru birt á timataka.net, sé munur á birtum úrlitum þá gildir timataka.net.