Hlaupaleiðin

5 km hlaupaleiðin er löglega mæld og viðurkennd af Frjálsíþróttasambandi Íslands.

Víðavangshlaupið hefst í Tryggvagötu við Pósthússtræti. Hlaupið er upp Hverfisgötu og Barónsstíg og þar beygt niður Laugaveginn. Hlaupið er niður Laugaveg og Bankastræti að Lækjargötu og þar er beygt til vinstri suður Lækjargötu, Fríkirkjuveg og Sóleyjargötu inn á Gömlu Hringbrautina þar sem tekinn er hringur og hlaupið til baka norður Sóleyjargötuna, beygt vestur Skothúsveg að Tjarnargötu sem hlaupin er framhjá Ráðhúsinu að Kirkjustræti. Hlaupið eftir Kirkjustræti meðfram Austurvelli, Alþingishúsinu og Dómkirkjunni og beygt til vinstri norður Pósthússtræti. Mark verður í Pósthússtræti. Skemmtiskokkið er ræst í Lækjargötunni fyrir framan MR og munu þátttakendur renna inn í hlaupaleið Víðavangshlaupsins og hlaupa síðustu 2,7 km leiðarinnar.

Kílómetrar og beygjur eru vel merktar með fánum og starfsmenn hlaupsins munu vakta helstu staði. Annars eru þátttakendur hvattir til að kynna sér vel leiðarkort á keppnisstað í Hörpunni.