Gamlárshlaup ÍR
ATH. Hægt er að sækja númer og önnur keppnisgögn í Hörpu frá 9:30 til 11:15 á hlaupdag.
Gamlárshlaup ÍR er skemmtileg blanda af keppnishlaupi, áramótaskemmtun og fjölskyldusamveru þar sem einstaklingar með ólík markmið og bakgrunn koma saman. Gleðin er ávallt við völd í Gamlárshlaupi ÍR, hvernig sem viðrar, en auk hefðbundinna keppnisbúninga mæta fjölmargir til leiks íklæddir grímubúningum. Á meðan sumir leggja kapp á að bæta sinn besta tíma enda brautin flöt og hröð, þá berjast aðrir um um að hljóta verðlaun fyrir frumlegasta búninginn eða einfaldlega hafa gaman að.
![](images/pic12.jpg)
Auk 10 km hlaups er boðið upp á 3 km skemmtihlaup þannig að nú ættu sem flestir að geta tekið þátt, jafnt byrjendur sem börn og tilvalið fyrir fjölskyldur að taka sig saman á þessum síðasta degi ársins og taka þátt.
Frjálsíþróttadeild ÍR hefur veg og vanda að framkvæmdinni. Gamlárshlaupið á sér langa sögu sem einn stærsti og elsti hlaupaviðburður landsins en hlaupið hefur verið haldið síðan 1976, hvernig sem hefur viðrað.