Bakgarður 101

Bakgarður 101 (Iceland Backyard Ultra) verður haldinn í sjötta sinn laugardaginn 1. maí 2027. Bakgarður 101 er systurkeppni Bakgarðs Náttúruhlaupa sem fer fram í Heiðmörk í september ár hvert. Keppnin verður hefðbundið bakgarðshlaup og fer eftir ákveðinni uppsetningu og reglum (https://bigsbackyardultra.com/backyard-ultra-rules/). Hlaupinn er 6,7 km hringur á hverjum klukkutíma. 

Skráning hefst kl. 12:00, föstudaginn 30. október

Hvað eru bakgarðshlaup (Backyard Ultra)?

Bakgarðshlaup eru tegund ofurhlaupa þar sem þátttakendur verða að hlaupa 6706m (4,167 mílur) á innan við klukkutíma. Hver hringur byrjar alltaf á heila tímanum. Eftir hvern hring má nota tímann sem er eftir af klukkutímanum til að hvílast og undirbúa sig fyrir næsta hring. Þetta er endurtekið á klukkutíma fresti þar til aðeins einn hlaupari er eftir í brautinni og klárar síðasta hringinn einn. Heildarvegalengd hlaupara sem klárar 24 hringi (24 klukkutímar) eru 100 mílur (160,8km)

Staðsetning: Mjölnisheimilið, Öskjuhlíð (Flugvallarvegur 3-3a)

Tímasetning: Keppnin hefst kl. 9:00, laugardaginn 1. maí 2027

Hlaupaleið: 6,7 km hringur um skemmtilega stíga Öskjuhlíðar og góða göngustíga meðfram henni og Nauthólsvík (um 60% malar- og náttúrustígar og 40% malbik).

Sjá leiðina á Garmin Connect: https://connect.garmin.com/app/course/342908746

(Leiðin er birt með fyrirvara um breytingar).

Vegalengd: Þú hleypur eins marga hringi og þú getur!

Tímamörk: Engin tímamörk nema að klára hvern 6,7 km innan klukkutíma

Úrslit: Allir sem taka þátt í Bakgarðshlaupinu fá skráða fjölda hringja og vegalengdina sem þeir klára. Úrslit verða birt á timataka.net. Þau sem fara lengra en 24 hringi fá árangur skráðan á Big’s síðunni (https://bigsbackyardultra.com/world-rankings/)

Verðlaun: Þátttöku-/DNF viðurkenning

Heimasíða keppninnar

Facebook síða: facebook.com/icelandbackyardultra

Instagram keppninnar: https://www.instagram.com/iceland_backyardultra/

Góð drykkjarstöð og aðstaða fyrir hlaupara verður við Mjölnisheimilið. Starfsfólk Náttúruhlaupa verður til taks allan tímann fyrir þátttakendur í hvíldartímanum. Veitingar verða í boði með reglulegu millibili. 

Þátttakendur fá ítarlegar upplýsingar um keppnina og reglur með góðum fyrirvara.

Skráning fer fram á Netskráning.is og opnar föstudaginn 30. október kl. 12:00. 

Skráningar verða ekki endurgreiddar eða færðar yfir á aðra bakgarðskeppni.

Hægt verður að gera nafnabreytingar á skráningarsíðunni (www.netskraning.is) til og með 18. apríl.

Varist að kaupa falsaða miða af óprúttnum aðilum í gegnum Facebook eða greiða áður en þú færð miða í hendur til að nafnabreyta. ATH. aðeins er hægt að nafnabreyta hverjum miða einu sinni. Vertu viss um að skrá rétt nafn, fæðingardag og netfang. 

Verð: 16.400 kr.

Innifalið í skráningu:

• Keppnisnúmer, tímataka
• Hvíldaraðstaða í Mjölni, öryggis- og brautargæsla
• Drykkir (Gatorade) og létt snarl (frá Näak, ávextir og fleira gott) á drykkjarstöð allan tímann 
• Súpa og brauð fyrir þau sem eru í keppninni eða ljúka henni um 13:00-15:00 á laugardeginum. Létt máltíð seinni partinn á laugardeginum og pítsa á laugardagskvöld fyrir virka keppendur.
• Salernisaðstaða í og við Mjölni
• Þátttökuverðlaun og viðurkenning

Fylgist með á Instagram og Facebook síðum hlaupsins: 

Instagram keppninnar

Facebook síða keppninnar

Skipuleggjendur keppninnar: Náttúruhlaup 

Nánari upplýsingar fást í gegnum netfangið: bakgardur@natturuhlaup.is