Bakgarður 101

Íslenska English

Event Organizer

Arctic Running
SSN. 570112-0310
Stórhöfða 33
110 Reykjavík
Elísabet / Helga María
info@arcticrunning.is

Registered contestants
Bakgarður 101 keppnin verður haldin í fyrsta sinn þann 30. apríl 2022. Keppnin hefst við Mjölnisheimilið í Öskjuhlíð og fer leiðin um skemmtilega stíga Öskjuhlíðar og góða göngustíga meðfram henni og Nauthólsvík (Um 60% malar- og náttúrustígar og 40% malbik).

Bakgarður 101 er systurkeppni Bakgarðs Náttúruhlaupa sem fer fram í Heiðmörk í september ár hvert. Bakgarður 101 2022 og Bakgarður Náttúruhlaupa 2021 eru undankeppnir (silfurhlaup) fyrir landsliðskeppni í Bakgarðshlaupum sem er áætluð 15. október 2022.

Hvernig virka bakgarðshlaup?
Keppnin verður með hefðbundnu sniði bakgarðshlaupa og fer eftir ákveðinni uppsetningu og reglum (http://backyardultra.com/rules/). Hlaupinn er rúmlega 6,7km hringur á hverjum klukkutíma. Sá sem hleypur flesta hringi er sá eini sem klárar hlaupið og stendur uppi sem sigurvegari. Til að klára hlaupið verður viðkomandi að klára síðasta hringinn einn. Hver hringur byrjar alltaf á heila tímanum og er mikilvægt að keppendur séu komnir í ráshólfið og hlaupi af stað þegar bjallan hringir á heila tímanum. Hlauparar sem eru ekki komnir í ráshólfið á heila tímanum þegar hringur er ræstur eru dæmdir úr keppni. Eftir hvern hring má nota tímann sem er eftir af klukkutímanum til að hvílast og undirbúa sig fyrir næsta hring. Heildarvegalengd hlaupara sem klárar 24 hringi (24 klukkutímar) er 100 mílur (160,8km). Núverandi heimsmet í Bakgarðshlaupum eru 85 hringir (569,5km), en það var slegið af Harvey Lewis (USA) í Big Dog’s Backyard Ultra 2021.

Facebook síða Bakgarðskeppnanna: facebook.com/icelandbackyardultra
Staðsetning: Mjölnisheimilið, Öskjuhlíð (Flugvallarvegur 3-3a)
Tímasetning: Keppnin hefst kl. 9:00, laugardaginn 30. apríl
Hlaupaleiðin: 6,7km hringur í Öskjuhlíð og á göngustígum meðfram Öskjuhlíð og Nauthólsvík. Leiðin verður vel merkt. Hlaupaleiðin verður gefin út síðar.
Vegalengd: Þú hleypur eins marga hringi og þú getur (og alltaf einn í viðbót)!
Tímamörk: Engin tímamörk nema að klára hvern 6,7km hring innan klukkutíma.
Úrslit: Allir sem taka þátt í Bakgarðshlaupinu fá skráða fjölda hringja og vegalengdina sem þeir klára. Þeir sem klára 24 hringi eða fleiri fá það skráð á heildarlista Bakgarðshlaupa (At-large list: https://backyardultra.com/at-large-list/)
Verðlaun: Þátttöku-/DNF viðurkenning fyrir alla sem taka þátt. Ef þú hleypur 8 hringi eða fleiri færðu veglegri viðurkenningu.
SILFURMIÐAR og heimsmeistaramót: Þeir sex hlauparar sem fara lengst fá sæti í landsliði Íslands í Bakgarðshlaupum. Áætlað er að Heimsmeistaramót landsliða fari fram þann 15. október 2022 í gegnum netið. Sá Íslendingur sem fer lengst í landsliðskeppninni getur unnið gullmiða og þátttökurétt á Heimsmeistaramóti einstaklinga í Big Dog’s Backyard Ultra (Tennessee) sem mun fara fram í október 2023.

Góð drykkjarstöð og aðstaða fyrir hlaupara verður í og við Drukkstofu Mjölnisheimilisins. Lögð verður áhersla á skemmtilega og fjöruga umgjörð allan daginn. Starfsfólk og sjálfboðaliðar Náttúruhlaupa verða til taks fyrir þátttakendur í hvíldartímanum. Veitingar verða í boði með reglulegu millibili.

Skráning fer fram á Netskraning.is og opnar föstudaginn 22. október kl. 12:00.

Greiðsluskilmálar
Verðið í hlaupið er 12.900 kr. og er greitt við skráningu.
Hlaupið endurgreiðir ekki skráningargjaldið. Nafnabreytingar eru leyfðar til 25. mars.

Reglur
Aldurstakmark í hlaupið er 18 ára (16-18 ára með forráðamanni)
Sjá nánar almennar reglur í bakgarðshlaupum: http://backyardultra.com/rules/
Keppendur fá sendar ítarlegar upplýsingar um fyrirkomulag og reglur í tölvupósti.
Fyrirkomulag og reglur geta miðast við gildandi Covid-19 samkomutakmarkanir á hlaupadegi.

Innifalið í skráningu:
Keppnisnúmer og tímataka: Þú hleypur eins marga hringi og þú vilt. Keppninni lýkur þegar aðeins einn hlaupari nær að ljúka hring.
Hressing og veitingar á drykkjarstöð allan tímann
Heitar veitingar á 4 klst. fresti á meðan þú ert ennþá í keppninni
Veitingar fyrir aðstoðarmenn keppenda sem eru ennþá í keppninni eftir kl. 18:00
Þátttökuviðurkenning

Fylgist með á Facebook síðu Bakgarðshlaupanna: facebook.com/icelandbackyardultra

Skipuleggjendur keppninnar: Náttúruhlaup og Arctic Running Nánari upplýsingar veitir Elísabet Margeirsdóttir (elisabet (at) natturuhlaup . is) og Helga María Heiðarsdóttir (helgamaria (at) natturuhlaup . is)
Contestant information


Events

30.04.2022