Hengill Ultra 2023

Hengill Ultra 2023
Salomon Hengill Ultra Trail verður nú haldin í tólfta sinn dagana 9. og 10. júní 2023.

Eins og í fyrra verður hlaupið í 5km, 10km, 26km, 53km, 106km, og 100 mílna braut. Semsagt eitthvað fyrir alla, allt frá léttri 5km leið upp í 100 mílur fyrir þau allra hörðustu!

Eins og á síðasta ári verður boðið uppá miðnæturútgáfur af 10 km, 26km og 53 km vegalengdunum. Ræsingar í þá flokka verða föstudagskvöldið 9. júní og verður hámarksfjöldi 100 keppendur í 26 km og 53 km og 200 keppendur í 10 km brautina.

Byrjunarreitur allra vegalengda verður við Skyrgerðina veitingastað í hjarta Hveragerðis. Styttri vegalengdirnar eru í kringum Hveragerði og upp að Hamrinum sem er gríðarlega fallegur hraunhamar yfir bænum. 26km vegalengdin er upp Reykjadalinn upp að Ölkelduhnjúk og í kringum hann. 50km hlauparar hlaupa hinsvegar áfram inn að Hengli, yfir fjallgarðinn, niður Sleggjubeinsskarð og þaðan til baka. Þeir sem hlaupa 106km fara þá leið tvisvar og þrisvar fyrir 100 mílna leiðina. Útsýnið frá Hengli er algjörlega einstakt og er þessi hlaupaleið ein sú fallegasta sem hægt er að finna á Íslandi.

Á meðan Hengill Ultra er í gangi þá breytist Hveragerði í hlaupa Karnival. Það verður m.a. sölusýning í íþróttahúsinu, þar verða einnig allir brautarfundir fyrir hverja vegalengd fyrir sig ásamt verðlaunaafhendingu. Hveragerði ljómar öll og hefur nóg upp á að bjóða fyrir gesti.

Nánari upplýsingar um flokkana:

HENGILL MIDNIGHT 10 KM

• 10 km (hámark 200 þátttakendur)
• Dagsetning 9. júní 2023
• Ræsing 22:00
• Skráningargjald til miðnættis 1. janúar: 5.900,- kr.
• Skráningargjald til miðnættis 3. maí: 6.500,- kr.
• Skráningargjald: 7.900,- kr.
• Skráningu lýkur á miðnættti 7. júní

Innifalið í mótsgjaldi er þátttökumedalía, drykkur í brautinni og máltíð að lokinni keppni

HENGILL MIDNIGHT 26 KM

• 26 km (hámark 100 þátttakendur)
• Dagsetning 9. júní 2023
• Ræsing 21:00
• Skráningargjald til miðnættis 1. janúar: 10.900,- kr.
• Skráningargjald til miðnættis 3. maí: 13.900,- kr.
• Skráningargjald: 15.900,- kr.
• Skráningju lýkur á miðnætti 5. júní 2023

Innifalið í mótsgjaldi er matur og drykkur í brautinni, þátttökumedalía og máltíð að keppni lokinni 

HENGILL MIDNIGHT 53 KM

• 53 km (hámark 100 þátttakendur)
• Dagssetning 9. júní 2023
• Ræsing 18:00
• Skráningargjald til miðnættis 1. janúar: 22.900,- kr.
• Skráningargjald til miðnættis 3. maí: 25.900,- kr.
• Skráningargjald: 29.900,- kr.
• Skráningu lýkur á miðnætti 5. júní 2023

Innifalið í mótsgjaldi er geymsla í íþróttahúsi Hveragerðis fyrir búnaðartösku, matur og drykkur í brautinni, þátttökumedalía og sérmerkt 50km “Finisher“ húfa, ásamt máltíð að keppni lokinni.

Hengill Ultra 160 KM

• Dagsetning 9. júní 2023
• Ræsing 08:00
• Skráningargjald til miðnættis 1. janúar: 32.900,- kr.
• Skráningargjald til miðnættis 3 maí: 39.900,- kr.
• Skráningargjald: 44.900 ,- kr.
• Skráningu lýkur á miðnætti 25. maí 2023

Innifalið í mótsgjaldi er geymsla í íþróttahúsi Hveragerðis fyrir búnaðartösku, matur og drykkur í brautunum, þátttökumedalía og sérmerkt 100 MÍLNA “Finisher" húfa. Glaðningur frá Ölpunum, máltíð að keppni lokinni og aðgangur að sjúkranuddara og lækni eða hjúkrunarfræðingi fylgir einnig skráningu í þennan flokk.