Gamlárshlaup ÍR
Keppnishaldari
Frjálsíþróttadeild Í.R.
Kt. 421288-2599
Skógarseli 12
109 Reykjavík
irfrjalsar@gmail.com
Skilmálar
Þín skráning
Gamlárshlaup ÍR
Gamlárshlaup ÍR er skemmtileg blanda af keppnishlaupi, áramótaskemmtun og fjölskyldusamveru þar sem einstaklingar með ólík markmið og bakgrunn koma saman. Gleðin er ávallt við völd í Gamlárshlaupi ÍR, hvernig sem viðrar, en auk hefðbundinna keppnisbúninga mæta fjölmargir til leiks íklæddir grímubúningum. Á meðan sumir leggja kapp á að bæta sinn besta tíma á hraðri og flatri braut þá berjast aðrir um um að hljóta verðlaun fyrir frumlegasta búninginn eða einfaldlega hafa gaman af.
Hlaupið er haldið á gamlársdag, 31. desember og er ræst stundvíslega klukkan 12:00 frá Hörpunni. Rásmarkið er á Sæbrautinni fyrir utan Hörpuna. Þátttakendur eru hvattir til þess að mæta tímanlega á keppnisstað og hafa hugfast að það getur tekið tíma að leggja bílum í miðbæ borgarinnar. Ráðlagt er að leggja í bílastæði Hörpunnar meðan rúm leyfir.
Vegalengd
Hlaupið er 10km en einnig er boðið uppá 3 km skemmtiskokk. Ekki er tímataka í skemmtiskokki.
10 km hlaupið er framkvæmt samkvæmt reglum Frjálsíþróttasambands Íslands og viðurkennt af sambandinu til skráningar úrslita á afrekaskrá. Hlaupaleiðin er mæld samkvæmt stöðlum World Athletics.
Í ár efnir Frjálsíþróttadeild ÍR til samstarfs við Krabbameinsfélagsins og því geta þátttakendur hlaupið til styrktar góðu málefni auk þess sem almenningi gefst kostur á að heita á hlaupara og leggja þannig baráttunni gegn krabbameini lið.
Áheitasíða Krabbameinsfélagsins er hér
Dagskrá
Dagskrá hlaupdags
9:00-11:00 Afhending gagna
12:00 Hlaupið ræst
13:00 Verðlaunaafhending
13:30 Tímatöku hætt
Hlaupaleið
Afhending gagna
Afhending gagna verður í Sportvörum Dalvegi 32A milli 12 og 18 þann 30. desember
Á hlaupdegi er hægt að nálgast gögn í Hörpunni frá kl 9 til 11:00
Drykkjarstöðvar
Drykkjarstöðvar eru í markinu og við 5 km.
Úrslit
Tímatöku og brautarvörslu lýkur 90 mínútum eftir að hlaupið er ræst. Úrslit verða birt í rauntíma auk þess sem tímar verða sendir í sms-i til hlaupara. Úrslit fyrir verðlaunasæti eru staðfest við verðlaunaafhendingu en að öðru leyti telst birting úrslita á timataka.net sem lögleg birting á úrslitum.
Verðlaun
Verðlaun
Veitt eru verðlaun fyrir fyrstu 3 í karla og kvennaflokki í 10 km auk þess sem veitt eru verðlaun fyrir fyrsta sæti í aldursflokkum karla og kvenna.
Aldursflokkarnir eru eftirfarandi:
- 12-14 ára
- 15-17 ára
- 18-29 ára
- 30-39 ára
- 40-49 ára
- 50-59 ára
- 60-69 ára
- 70-79 ára
- 80 ára og eldri
Einnig eru veitt verðlaun fyrir búninga í nokkrum flokkum.
Glæsileg útdráttarverðlaun eru dregin úr nöfnum allra þátttakenda.