Skráning: Lífið er núna


Lífið er núna hlaup stuðningsfélagsins Krafts verður haldið þann 19. maí næstkomandi í tilefni af 20 ára afmæli félagsins. Um er að ræða 5 km hlaup með tímatöku og 1.5 km skemmtiskokk fyrir yngstu kynslóðina.

Með því að taka þátt í Lífið er núna hlaupinu sýnir þú stuðning í verki með ungu fólki sem að greinst hefur með krabbamein og er góð áminning um að njóta líðandi stundar því lífið er núna. Þetta er frábær stund til að koma saman, hreyfa sig, fagna lífinu og láta gott af sér leiða. Allur ágóði af hlaupinu rennur til Krafts sem styður við bakið á ungu fólki sem greinst hefur með krabbamein og aðstandendum.

Tími og staðsetning
Hlaupið er frá Háskólanum í Reykjavík en þar verða hlaupagögn sótt á hlaupadegi og ýmislegt að gerast á svæðinu eins og hoppukastalar fyrir börnin og annað skemmtilegt (frekari dagskrá auglýst síðar).

  • 1.5 km skemmtiskokk hefst kl. 15:50.
  • 5 km hlaupið hefst kl. 16:00.
5 km tímatökuhlaupið hefst hjá HR og hlaupið er vestur í átt að Ægissíðu þar sem er snúningspunktur.
1.5 km skemmtiskokkið hefst einnig við HR og þá er hlaupið í átt að Valsheimilinu.
Næg gjaldfrjáls bílastæði eru við Háskóla Reykjavíkur en mætið tímalega til að nálgast gögnin ykkar en það borgar sig að mæta snemma. Einnig er hægt að sækja hlaupagögn á skrifstofu Krafts í húsi Krabbameinsfélagsins, Skógarhlíð 8, á föstudeginum fyrir hlaup milli klukkan 9 og 17 og á laugardeginum milli klukkan 10 og 15.

Þeir sem forskrá sig fyrir miðnætti föstudaginn 17. maí.
  • 1.000 kr. 1,5 km skemmtiskokk (engin tímataka). Fyrir alla aldurshópa.
  • 2.000 kr. fyrir 5 km hlaup fyrir 14 ára og yngri (f. 2005 og síðar) innifalið er hlaupabolur frá Krafti
  • 2.500 kr. fyrir 5 km hlaup fyrir 14 ára og eldri (f. 2004 og fyrr) innifalið er hlaupabolur frá Krafti
Skráning frá og með laugardeginum (frá miðnætti föstudagsins) 17. maí og fram á hlaupadag.
  • 2.000 kr. 1,5 km skemmtiskokk (engin tímataka). Fyrir alla aldurshópa.
  • 3.000 kr. fyrir 5 km hlaup fyrir 14 ára og yngri (f. 2005 og síðar) innifalið er hlaupabolur frá Krafti
  • 3.500 kr. fyrir 5 km hlaup fyrir 14 ára og eldri (f. 2004 og fyrr) innifalið er hlaupabolur frá Krafti

Verðlaun
Veitt verða verðlaun fyrir 1. sæti í bæði kvenna- og karlaflokki. Vegleg útdráttarverðlaun eru veitt eftir hlaupið í Háskóla Reykjavíkur.

Allir þátttakendur í 5 km hlaupinu fá gefins Powerade drykk og hressing er fyrir börnin í skemmtiskokkinu.

Hlaupaleiðir og merkingar
5 km tímatökuhlaupið hefst hjá HR og hlaupið er vestur í átt að Ægissíðu þar sem er snúningspunktur. 1,5 km skemmtiskokkið hefst einnig við HR og þá er hlaupið í átt að Valsheimilinu

Hlökkum til að eiga góðar stundir með ykkur og hlaupa til góðs - fyrir ungt fólk sem greinst hefur með krabbamein og aðstandendur.

Viðburður haldinn af:
Kraftur
kt. 571199-3009
Skógarhlíð 8
105 Reykjavík
laila@kraftur.org

Sjáðu hverjir eru búnir að skrá sig

Búið að loka fyrir forskráningu