Hundahlaupið 2026

Hundahlaupið verður haldið í fjórða sinn þriðjudaginn 25. ágúst nk. 
Hlaupið hefur stimplað sig inn sem skemmtilegur fjölskylduvænn lýðheilsuviðburður og sannkölluð veisla fyrir hunda unnendur, en þátttakendur töldu um 350 talsins í fyrra og voru mættir til leiks hundar af öllum stærðum og gerðum með eigendum sínum á öllum aldri. 
Um er að ræða einstakan viðburð þar sem gleði besta vinar mannsins fær að skína skært.

Vegalengdir og tímasetningar

Hundahlaupið fer fram í Mosfellsbæ, þar sem farin verður sérstaklega falleg hlaupa og gönguleið sem hefst við flötina fyrir neðan Reykjalund. Best er að leggja bílum á bílastæðið bakvið Reykjalund.
Í boði eru tvær hlaupaleiðir. Annars vegar 5 km tímataka ( Canicross 1 hundur )  og hins vegar 2 km skemmtiskokk, leið fyrir þá sem vilja taka því rólega og njóta í fallegu umhverfi. 
Svæðið opnar kl 16:00, sameiginleg upphitun hefst kl. 17:45, skemmtiskokk er ræst kl 18:00 og 5km tímataka er ræst kl 18:30 ( með fyrirvara um litlar tafir )

Skráning og verðlaun

Afhending hlaupagagna

Rásnúmer verða afhent mánudaginn 24. ágúst milli kl. 12 og 18. Afhending fer fram í verslun Óstöðvandi á Garðatorgi. Hundar eru velkomnir á Garðatorgið þar sem þátttakendum gefst kostur á að versla búnað frá Non-stop dogwear á hundahlaups afslætti.

Þeir sem skrá sig eftir afhendingu gagna á mánudegi, geta sótt gögnin sín fyrir hlaup í upplýsingatjald á keppnissvæðinu milli kl 16-17:30.

Fyrir hverja er viðburðurinn og hvernig fer þetta fram?

Hundahlaupið er opið öllum sem vilja hreyfa sig með hundinn sinn. Hundahlaupið er fyrir alla hunda og allt fólk óháð aldri og fyrri störfum, en hlaupið er bæði fyrir vana hlaupara og þá sem vilja eiga skemmtilega stund með hundinum sínum. 

Canicross er íþrótt sem hefur notið mikilla vinsælda á Íslandi undanfarin ár. Canicross er svokölluð hunda drifin íþrótt þar sem hlauparinn er með belti utan um sig og teygjutaum sem festist í beisli hundsins. Þannig togar hundurinn hlauparann áfram og hundur og hlaupari ferðast saman sem teymi. 

Ekki er gerð krafa um sérstakan búnað í Hundahlaupinu en forsvarsmenn hlaupsins mæla með því að þátttakendur kynni sér mikilvægi þess að nota búnað sem hefur ekki heftandi áhrif á eðlilega hreyfigetu hundsins.

Verslun Óstöðvandi á Garðatorgi sérhæfir sig í því að aðstoða hundaeigendur að finna hentugasta búnaðinn fyrir sérhvern hund við mismunandi tilefni. Þátttakendur hundahlaupsins fá afslátt af vörum frá Non-stop dogwear í verslun Óstöðvandi.

Á keppnissvæðinu verða tjaldbúðir með vatn fyrir hunda og menn, matarvagnar ásamt aðgengi að salerni. Ljósmyndari Hundahlaupsins verður á staðnum og geta allir þáttakendur fengið mynd af sér með sínum hundi að hlaupi loknu. 

Keppnisreglur
Þetta er einfalt, hlaupari má aldrei draga hundinn í taumi eða þvinga hann áfram. Við berum virðingu fyrir hvert öðru og hjálpumst að við að tryggja öryggi hunda af öllum stærðum með því að passa uppá hæfilegt bil á milli okkar á keppnissvæði og í braut. Við frammúrtökur í hlaupi er mikilvægt að keppendur lesi vel í aðstæður og taki skynsamlegar ákvarðanir en láti ekki keppnisskapið bitna á velferð og upplifun hundana, þetta á sérstaklega við þegar mikill stærðarmunur er á milli hunda sem eru nálægt hvor öðrum í braut. 

Hlauparar taka upp eftir hunda sína í braut og setja í poka sem þeir geta skilið eftir á áberandi stað í brautinni, pokarnir verða sóttir af starfsfólki að hlaupi loknu.

Styrktaraðilar Hundahlaupsins 2026