Skógræktarfélag Reykjavíkur
Kt. 600269-4539
heidmork@heidmork.is
Laugardaginn 26. september heldur Skógræktarfélag Reykjavíkur Heiðmerkurhlaupið í sjötta sinn, í samstarfi við Náttúruhlaup og Fjallakofann. Með hlaupinu býður Skógræktarfélagið bæði fastagestum og nýjum áhugahlaupurum að kynnast stígakerfi Heiðmerkur og njóta þess að hlaupa í faðmi skógarins.
Um leið og þú tekur þátt styður þú við útivistarsvæðið Heiðmörk, sem fagnar 76 árum á þessu ári, og hjálpar okkur að standa vörð um friðland Reykvíkinga.
Skógræktarfélag Reykjavíkur var stofnað árið 1901. Félagið hefur umsjón með skóginum í Heiðmörk og Esjuhlíðum, ásamt viðhaldi og uppbyggingu stígakerfa og áningastaða. Sífellt fleiri velja að hlaupa í skóginum þar sem alltaf er skjól. Hlauparar eru eindregið hvattir til að gerast félagsmenn í Skógræktarfélaginu og styðja þannig uppbyggingu stíga. Árgjaldið er 5000 kr. og hægt er að skrá sig á heidmork.is.
Sjá kort af leiðunum neðst á þessari síðu.
Hlaupið er viðurkennt af ITRA og gefur stig í alþjóðlegu stigakerfi utanvegahlaupa. Hægt er að nálgast kort af Heiðmörk með merktum leiðum á heidmork.is.
Báðar vegalengdir hefjast frá Elliðavatni.
Verðlaunaafhending fyrir fyrstu sætin og útdráttarverðlaun frá Fjallakofanum fara fram að hlaupi loknu.
Skráning fer fram á netskráning.is og lýkur kl. 10:00 laugardaginn 26. september. Þátttökugjöld eru eftirfarandi:
Innifalið í þátttökugjaldi er flögutímataka, brautarvarsla og hressing í lok hlaups.
Afhending keppnisgagna
Verðlaun verða veitt fyrir fyrstu þrjú sæti í karla- og kvennaflokki. Í verðlaunum eru jólatré frá Skógræktarfélagi Reykjavíkur sem vinningshafar geta sótt á árlegum jólamarkaði við Elliðavatnsbæ á aðventuhelgum. Að auki verða útdráttarverðlaun frá Fjallakofanum.
Skipuleggjandi hlaupsins er Skógræktarfélag Reykjavíkur í samstarfi við Náttúruhlaup.
Netfang: heidmork@heidmork.is.