Hafnarfjall Ultra

Keppnishaldari

Hlaupahópurinn Flandri / Tímataka ehf.
Kt. 560318-0730
Stefán Gíslason
Símanr.: 8620538
stefan@environice.is

Skráðir þátttakendur

Skilmálar

Þín skráning

Hafnarfjall Ultra er utanvegahlaup sem ræst verður í fyrsta sinn í Borgarnesi laugardaginn 28. júní 2025. Hlaupahópurinn Flandri í Borgarnesi stendur að hlaupinu, en hópurinn hefur um árabil staðið fyrir Flandrasprettum, sem eru 5 km götuhlauparöð sem haldin er mánaðarlega yfir vetrarmánuðina.

Þátttakendur í Hafnarfjall Ultra geta valið milli fjögurra vegalengda:

Hafnarfjall Tindur 14,4 km, 912 m hækkun
Hafnarfjall 7 tindar 22,7 km, 1.377 m hækkun
Hafnarfjall 7 tindar og dalir 33,0 km, 2.453 m hækkun
Hafnarfjall fjölskylduhlaup 2,3 km, 167 m hækkun

Þrjú lengri hlaupin eru ræst við Menntaskóla Borgarfjarðar, við hliðina á Nettóversluninni í Borgarnesi – og enda á sama stað. Fjölskylduhlaupið er hins vegar ræst á malarvegi við rætur Hafnarfjalls.

Dagskrá hlaupadags

Kl. 10:00 Start: Öll lengri hlaupin við Menntaskóla Borgarfjarðar (MB)
Kl. 10:30 Start: Fjölskylduhlaup við drykkjarstöð neðan við Hafnarfjall
Kl. 10:45 Von á fyrstu keppendum í fjölskylduhlaupinu í mark við drykkjarstöðina
Kl. 11:30 Von á fyrstu keppendum í „Hafnarfjall Tindur“ í mark við MB
Kl. 12:20 Von á fyrstu keppendum í „Hafnarfjall 7 tindar“ í mark við MB
Kl. 13:30 Von á fyrstu keppendum í „Hafnarfjall 7 tindar og dalir“ í mark við MB
Kl. 16:30 Marki lokað
Verðlaun í öllum vegalengdum verða afhent í MB þegar þrír fyrstu keppendur eru komnir í mark.

Þátttökugjald

Hafnarfjall Tindur 14,4 km - 7.000 ISK
Hafnarfjall 7 tindar 22,5 km - 9.000 ISK
Hafnarfjall 7 tindar og dalir 33,0 km - 11.000 ISK
Hafnarfjall fjölskylduhlaup 2,3 km - 2.000 ISK

Innifalið í þátttökugjaldi er:

Tímataka og númer (Tímataka verður með flögum (https://timataka.net))
Brautar- og öryggisgæsla
Drykkir og næring á drykkjarstöðvum og í marki
Salernisaðstaða við rásmark og endamark lengri hlaupanna
Verðlaun fyrir 3 efstu karla og konur

Afhending gagna

Hlaupagögn verða afhent í versluninni Fætur toga, Höfðabakka 3, Reykjavík fimmtudaginn 26. júní kl. 13:00-18:00 og í Menntaskóla Borgarfjarðar (Hjálmakletti) í Borgarnesi föstudaginn 27. júní kl. 13:00-18:00. Einnig verður opið fyrir afhendingu gagna í menntaskólanum á laugardagsmorgninum til kl. 9:30.

Tímamörk

Hafnarfjall 7 tindar og dalir (33,0 km): 6:30 klst.

Ekki eru tímamörk í öðrum hlaupum dagsins.

Aldurstakmark

18 ár í þrjú lengstu hlaupin.

Skyldubúnaður (fyrir tvö lengstu hlaupin)

Margnota drykkjarmál
Fullhlaðinn farsími
„Trakk“ af leiðinni í hlaupaúri eða í síma (tenglar verða sendir út fyrir hlaup)
Álteppi
Flauta
Húfa/buff og hanskar

Keppnisstjóra er heimilt að bæta við skyldubúnaði ef veðurspá gefur tilefni til. Slíkt verður þá tilkynnt hlutaðeigandi hlaupurum í síðasta lagi kvöldið fyrir hlaup.

Drykkjarstöðvar

Fjórar drykkjarstöðvar verða á lengstu leiðinni, þrjár á þeirri næstlengstu og tvær í „Hafnarfjall Tindur“. Auk þess verður boðið upp á hressingu við endamark. Drykkjarstöðin á malarveginum við rætur Hafnarfjalls er sameiginleg öllum fjallaleiðunum, bæði snemma í hlaupunum (3,9 km) og á bakaleiðinni (10,5/18,8/29,1 km). Drykkjarstöðin í Tungudal/Grjóteyrardal (14 km) nýtist á báðum lengri fjallaleiðunum og á lengstu leiðinni verður einnig drykkjarstöð neðst í Hafnardal (22,5 km). Á drykkjarstöðvunum verður a.m.k. boðið upp á vatn og orkudrykk (FIXX kolvetnadrykk). Engin pappa- eða plastmál verða þar til staðar, heldur verða hlauparar að koma með fjölnota glös til að geta fengið drykki.

Brautarvarsla og merkingar

Allar leiðir verða merktar á áberandi hátt, auk þess sem hluti hlaupaleiðarinnar á fjöllunum fylgir merktri gönguleið. Brautarvarsla verður á mikilvægustu stöðum, svo sem þar sem leiðir skilja. Þá verða tímatökuhlið á toppum Hafnarfjalls og Tungukolls. Vegna öryggis og brautarvörslu er mikilvægt að allir hlauparar hlaupi í gegnum hliðin.

Gerðar verða sérstakar ráðstafanir til þess að hlauparar verði ekki í hættu vegna bílaumferðar á Borgarfjarðarbrúnni.

Verðlaun

Verðlaun verða veitt fyrir þrjú efstu sætin í karla- og kvennaflokkum. Auk þess verða veitt vegleg útdráttarverðlaun.

ITRA/UTMB-stig

Lengsta hlaupið gefur tvo ITRA-punkta og 22,5 km hlaupið gefur einn ITRA-punkt. Öll hlaupin gefa ITRA-stig.

Varúð

Gæta þarf sérstakrar varúðar vegna umferðar þegar hlaupið er yfir Borgarfjarðarbrúna.
Hlauparar á leið upp Hafnarfjall þurfa að víkja vel til hægri þegar þeir mæta hlaupurum á niðurleið.
Hlaupin henta ekki lofthræddum.

Aðalstyrktaraðili

Verslunin Fætur toga er aðalstyrktaraðili Hafnarfjalls Ultra. Við skráningu gefst keppendum kostur á að kaupa öryggistösku frá versluninni með 30% afslætti (3.490 kr., fullt verð 4.990 kr.) Í töskunni er allur helsti öryggisbúnaður fyrir fjallahlaup, þ.m.t. álteppi og öryggisflauta (sjá hér). Taskan verður afhent með hlaupagögnum dagana fyrir hlaup.

Nánari upplýsingar

Facebooksíða hlaupsins er https://www.facebook.com/profile.php?id=61569544243979.

Enn nánari upplýsingar:

Kristinn Óskar Sigmundsson, kiddo1@simnet.is, 852 2203

Stefán Gíslason, stefan@environice.is, 862 0538

Upplýsingar um keppanda

Nafn

Fæðingard.

Kyn

Karl

Kona

Annað / ótilgreint

Þjóðerni

Farsímanr.

Netfang

Íþróttafélag

Lið / hópur

Keppnisgreinar

28.06.2025

Hafnarfjall 7 tindar
Skráningarfrestur: 26.06.2025 23:59
Verð: 9.000 ISK

22,7 km, 1.377 m hækkun
Hér er hlaupin sama leið upp á topp Hafnarfjalls og í „Hafnarfjall Tindur“, en í stað þess að taka kröppu vinstri beygjuna 200 m frá toppnum er haldið beint áfram með stefnu á næsta tind, Gildalshnjúk (844 m). Áfram er svo hlaupið um hina fimm tinda Hafnarfjallanna, þ.e.a.s. Miðtind, Klausturtunguhól, Katlaþúfu, Þverfell og Tungukoll (663 m). Á toppi Tungukolls eru um 12,7 km að baki. Þar er snúið við og sama leið hlaupin til baka 300 m eða svo. Þar er beygt til vinstri niður bratta hlíð Tungukolls, áleiðis niður í Tungudal (líka kallaðar Grjóteyrardalur). Neðst í brekkunum er drykkjarstöð (eftir u.þ.b. 14 km). Þar er tekin kröpp vinstri beygja og hlaupið niður dalinn, alla leið niður á gamla malarveginn (16,3 km). Þar er enn beygt til vinstri, hlaupið fram hjá hitaveitutanki og áfram eftir malarveginum, alla leið að drykkjarstöðinni við rætur Hafnarfjalls (18,8 km). Þar er beygt til hægri og farin sama leið og í upphafi hlaupsins alla leið í mark við Menntaskóla Borgarfjarðar.

Hafnarfjall 7 tindar og dalir
Skráningarfrestur: 26.06.2025 23:59
Verð: 11.000 ISK

33,0 km, 2.453 m hækkun
Hér er hlaupin sama leið og í „Hafnarfjall 7 tindar“, allt þar til komið er að drykkjarstöðinni í Tungudal (eða Grjóteyrardal), þar sem 14 km eru að baki. Þar er beygt til hægri og hlaupið inn dalinn, yfir Dalamótin, framhjá Dalamótatjörn (16 km) og áfram niður Hafnardal. Neðst í dalnum (eftir u.þ.b. 22 km) er farið yfir Illagil og stutt þar frá er þriðja drykkjarstöðin staðsett. Síðan er sveigt til hægri og stefnan tekin á topp Hafnarfjalls sunnanfrá og lengst af hlaupið eftir fjallsbrúninni (upp Brúnir). Á toppnum eru tæpir 26 km að baki. Þaðan er hlaupið rakleiðis niður fjallið sömu leið og í „Hafnarfjall Tindur“, að drykkjarstöðinni á malarveginum við rætur fjallsins (29,1 km) og svo áfram í markið hjá menntaskólanum.

Hafnarfjall Tindur
Skráningarfrestur: 26.06.2025 23:59
Verð: 7.000 ISK

14,4 km, 912 m hækkun
Hlaupið hefst við Menntaskóla Borgarfjarðar. Þaðan er hlaupið sem leið liggur yfir Borgarfjarðarbrúna, þar sem gerðar verða sérstakar ráðstafanir til að gæta öryggis hlaupara. Þegar komið er yfir brúna er beygt til hægri og hlaupið meðfram ströndinni á Seleyri, en þegar u.þ.b. 3 km eru að baki er beygt til vinstri upp með farvegi Ytra-Seleyrargils, hlaupið undir Vesturlandsveginn í undirgöngum og áfram í beinni stefnu að drykkjarstöð á malarveginum við rætur Hafnarfjalls. Þar eru um 3,9 km að baki. Frá drykkjarstöðinni er hlaupið eftir malarvegi í átt að fjallinu og í boga fyrir norðurenda þess, innundir stíflu í gilinu. Þar er haldið áfram inn á göngustíg áleiðis upp fjallið, upp að „Steini“. Þar eru um 5 km að baki. Áfram er svo haldið eftir gönguleiðinni upp fjallið, en ofarlega í fjallinu (eftir 6,7 km) er farið upp úr stígnum og fjallsbrúnin þrædd upp á topp Hafnarfjalls (7,2 km) í 791 m hæð. Þaðan er fylgt hefðbundinni leið niður fjallið með krappri vinstri beygju um 200 m frá toppnum. Eftir um 7,9 km geta fyrstu hlaupararnir farið að mæta þeim sem fóru sér hægar á uppleiðinni. Þar þurfa þau sem eru á uppleið að víkja til hægri, því að sums staðar er varasamt að stíga niður fyrir stíginn. Göngustígurinn er svo hlaupinn áfram niður að „Steini“ og þar beint áfram eftir fjallsbrúninni í stað þess að hlaupa niður að stíflunni. Þegar komið er niður úr mesta brattanum er fljótlega komið inn á malarveginn og skömmu síðar niður að drykkjarstöðinni þar sem 10,5 km eru að baki. Marklínan bíður svo við Menntaskóla Borgarfjarðar.

Hafnarfjall fjölskylduhlaup
Skráningarfrestur: 28.06.2025 09:30
Verð: 2.000 ISK

2,3 km, 167 m hækkun
Þetta hlaup er sérstaklega hugsað fyrir fjölskyldufólk á öllum aldri og annað fólk sem ekki treystir sér alla leið á toppinn og heim aftur. Hlaupið er ræst við drykkjarstöðina á malarveginum við rætur Hafnarfjalls. Þaðan er hlaupið upp malarveginn í átt að fjallinu, alla leið að stíflunni í gilinu og áfram eftir göngustígnum upp að „Steini“, alveg eins og í lengri hlaupunum. Við „Steininn“ er beygt til hægri og hlaupið eftir fjallsbrúninni eins og í „Hafnarfjall Tindur“ og komið í mark aftur við drykkjarstöðina.

Keppnishaldari

Dagskrá hlaupadags

Þátttökugjald

Innifalið í þátttökugjaldi er:

Afhending gagna

Tímamörk

Aldurstakmark

Skyldubúnaður (fyrir tvö lengstu hlaupin)

Drykkjarstöðvar

Brautarvarsla og merkingar

Verðlaun

ITRA/UTMB-stig

Varúð

Aðalstyrktaraðili

Nánari upplýsingar

Upplýsingar um keppanda

Keppnisgreinar

Öryggistaska

Öryggistaska

Öryggistaska