Tailwind ehf
Kt. 540122-0590
info@vikingamot.is
Grindavík Volcano Trail verður haldið 12. ágúst 2026
Hlaupið fer um landslag sem varð til í eldgosunum 2021–2025 og á sama tíma og sólmyrkvi á sér stað. Brautin leiðir þátttakendur um eitt magnaðasta og umtalaðasta náttúrusvæði Íslands þar sem eldgos og jarðhræringar hafa mótað landslagið á einstakan hátt síðustu ár.
Leiðirnar liggja um hrjóstrugt hraun, nýjar hraunbreiður og stórbrotið landslag sem gefur hlaupurum tækifæri til að upplifa náttúruöflin í návígi. Viðburðurinn byggir á áralangri reynslu af skipulagningu utanvegahlaupa á Reykjanesskaga og býður upp á krefjandi og eftirminnilega upplifun fyrir hlaupara á öllum getustigum.
Boðið verður upp á þrjár vegalengdir, 5 km, 20 km og 50 km
Sérstakt verður að hlaupið fer fram miðvikudaginn 12. ágúst 2026, sama dag og heildarsólmyrkvi verður sýnilegur yfir hluta Íslands. Hlauparar á lengri vegalengdunum munu því eiga möguleika á að upplifa þetta einstaka náttúrufyrirbæri á meðan keppni stendur yfir – augnablik sem fáir fá tækifæri til að upplifa.
Grindavík Volcano Trail sameinar ævintýri, áskorun og einstaka náttúru.