Víðavangshlaup Fætur toga og Framfara 2022

Víðavangshlaup Fætur toga og Framfara 2022
Fætur toga og Framfarir, hollvinafélag millivegalengda- og langhlaupara, kynna 19. víðavangshlauparöð sína á haustdögum 2022.
Hlaupin eru þrjú og með sama sniði og undanfarin ár, hefjast kl. 10:00 á laugardagsmorgnum í október.

Um tvær vegalengdir er að ræða, „stutt“ og „langt“ hlaup, og hefst styttra hlaupið á undan. Stutta hlaupið er yfirleitt um 1km en það lengra 6-7km. Vegalengdirnar eru settar upp með það fyrir augum að höfða til sem flestra, bæði millivegalengda- og langhlaupara og hlaupara á öllum aldri á öllum getustigum.

Keppnisgjald í hvert hlaup er einungis 500 kr og óbreytt frá árinu 2004.
Keppnisgjald er hægt að greiða með millifærslu inn á reikning Framfara:
Kennitala: 411102-2620 (Framfarir-hollvfél millil/langh)
Reikningsnúmer: 0313-26-042000

Eftirfarandi eru staðsetningar og dagsetningar víðavangshlaupa í Reykjavík haustið 2022:

1. 1.október á Frisbígolfvellinum í Fossvogi
2. 8.október við Borgarspítalann í Reykjavík
3. 15. október við tjaldstæðið í Laugardal (Víðavangshlaup Íslands, ekki hluti af Framfararöðinni)
4. 29. október við Ræktunarstöð Reykjavíkur í Fossvogi

Stigakeppni er í flokkum karla og kvenna, og drengja og stúlkna 16 ára og yngri. Þáttakendur mega og eru hvattir til að taka þátt í báðum hlaupum á sama degi.
Bæði hlaup á gefnum degi gilda til stiga einstaklings í stigakeppninni.
Nánari upplýsingar veitir Burkni Helgason, burknih@gmail.com, s. 6600078
Lögmenn Lækjargötu fá sérstakar þakkir fyrir aðkomu sína að framkvæmd hlaupanna

Nánari lýsing á leiðum