Fljótamót 2024
Skilmálar
Greiðslur og mótsgjald: Allar greiðslur fara í gegnum greiðslusíðu Borgunar / SaltPay og tekið er á móti Visa og Mastercard kortum.
Bókanir: Um leið og kaupandinn hefur lokið við kaup á miðum mun hann fá sent bókunarform með öllum upplýsingum um bókunina. Gott er að prenta þetta blað út og hafa meðferðis þegar keppnisnúmer eru sótt.
Afbókunarskilmálar: Þáttökugjald er ekki endurgreitt ef hætt er við þátttöku.
Breytingar á bókunum: Ef þátttakendur óska eftir að breyta vegalengdum þá er hægt að senda beiðni um það á ferdafelagfljota@gmail.com
Keppni aflýst eða breytt: Ef svo ólíklega vill til að fella þurfi gönguna niður fyrirfram hefur mótshaldari heimild til að halda eftir 50% af skráningargjaldinu til að mæta kostnaði við mótshaldið. Ef gangan er færð til á sama degi eða til næsta dags er ekki um endurgreiðslu að ræða. Ef ákveðið er að halda göngunna á öðrum stað á sama tíma, eða að keppni verði hætt og hún haldin síðar, eða ef hún er flutt á annan stað á öðrum tíma eða hún stytt, verður þátttökugjald ekki endurgreitt. Ef göngunni er aflýst daginn sem að keppnin á að fara fram vegna veðurs eða af öðrum „force major“ aðstæðum, heldur mótshaldari skráningargjöldunum.
Almennir skilmálar: Ferðafélag Fljóta áskilur sér þann rétt að breyta þessum skilmálum hvenær sem er. Ef einhverjar spurningar vakna þá vinsamlegast hafið samband við Ferðafélag Fljóta ferdafelagfljota@gmail.com eða í síma 862-8781.
Persónuupplýsingar: Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar frá kaupanda verða ekki afhentar þriðja aðila að undanskilinni birtingu rástíma vegna tímatöku. Kerfi Verslunar er ekki nýtt til að senda út skilaboð nema er varðar upplýsingar um viðburði ferðafélagsins, þá eru eingöngu nýtt netföng en ekki aðrar upplýsingar s.s. búseta, aldur eða viðskiptasaga.
Varnarþing: Ákvæði og skilmála þessa ber að túlka í samræmi við íslensk lög. Varnarþing Ferðafélags Fljóta er í Skagafirði. Rísi upp mál vegna skráningar eða þátttöku skal það rekið fyrir Héraðsdómi Norðurlands vestra.