Fjölnishlaup Olís

Fjölnishlaup Olís 2025

Fjölnishlaup OLÍS verður ræst í 37. sinn á Uppstigningardag 29. maí klukkan 11:00 frá íþróttamiðstöðinni í Grafarvogi við Dalhús.

TÍMASETNING

Uppstigningadag fimmtudaginn 29. maí 2025, kl. 11:00

VEGALENGDIR

Boðið er uppá 10 km hlaup, 5 km hlaup og 1,4 km skemmtiskokk. Bæði 10 km og 5 km vegalengdirnar eru löglega mældar og eru þær vegalengdir vottaðar af FRÍ og fæst árangur því skráður í afrekaskrá.

HLAUPALEIÐIR

10 km hlaupið verður ræst kl 11:00 frá göngustíg við Gagnveg sem er um 500 m norðaustan við Íþróttamiðstöðina í Dalhúsum - sjá kort. Hlaupstjóri fylgir hlaupurum að rásmarki 10 mín fyrir ræsingu.

Hlaupið verður vestur fyrir fótboltavöllinn eftir Gagnvegi og um Fjallkonuveg og þaðan beygt niður göngustíg í átt að Grafarvogi og hann hlaupinn í vesturátt. Beygt verður inn í Bryggjuhverfið um Gullinbrú og þaðan verður hlaupið eftir göngustíg meðfram Elliðaárósum og yfir nýju brýrnar við Geirsnef. Rangsælis hringur er tekinn um Geirsnef yfir gömlu brýrnar og meðfram Sævarhöfða. Síðan verður sama leið hlaupin til baka. Endamark er við Íþróttamiðstöðina í Dalhúsum. Brautin er annáluð fyrir góðar bætingar enda mjög flöt ef frá er talinn upphafs- og lokakílómetri.

5 km hlaupið verður ræst kl 11:10 frá endamarki. Hlaupaleiðin er sú sama og í 10 km hlaupinu fyrri helming hlaupsins, en í Bryggjuhverfi verður snúið við og hlaupið sömu leið til baka.

Skemmtiskokkið verður ræst skömmu á eftir 5 km hlaupinu. Í skemmtiskokkinu verður 1,4 km hringur hlaupinn um Dalhús og yfir á Fjallkonuveg - sjá kort.

Tímatöku verður hætt kl 12:40

Sjá PDF útgáfu af korti

SKRÁNING OG ÞÁTTTÖKUGJÖLD

Þátttökugjöld eru 3.900 kr fyrir 10 km hlaup og 3.200 kr fyrir 5 km hlaup við forskráningu á https://netskraning.is/fjolnishlaupid fram að miðnætti 28. maí. Fyrir skemmtiskokk er þátttökugjaldið 1.800kr fyrir 17 ára og eldri en fyrir  16 ára og yngri er það 990kr.

Afhending gagna verður daginn fyrir hlaupið, 28. maí, frá kl. 18-19 og á keppnisdag frá 09:30 til 10:15 í anddyri Grafarvogslaugar í Íþróttamiðstöðinni í Dalhúsum. Hlaupahaldari getur ekki tryggt að ef gögn eru sótt á hlaupadag að viðtakandi fái þau afhennt í tíma fyrir ræsingu.

Athugið að aldurstakmark í 10 km hlaupið er 12 ára.

VERÐLAUN

Fyrstu 3 í 5 og 10km hlaupi hljóta verðlaun

Farandbikarar fyrir 1. sæti karla og kvenna í 10 km hlaupum

TÍMATAKA OG ÚRSLIT

Tímataka verður með flögum í öllum vegalengdum.

Úrslit verða birt á timataka.is.

SKIPULEGGJENDUR

Framkvæmd hlaupsins er í höndum frjálsíþróttadeildar Fjölnis en vefsíða deildarinnar er Frjálsíþróttadeild Fjölnis