Fjallabrun í Skorradal - 1. bikar

Skilmálar

I. ALMENNIR SKILMÁLAR

Þessir skilmálar gilda á milli þátttakanda og mótshaldara og felur skráning í mótið í sér samþykki þátttakanda við því að hlíta skilmálunum.
Mótshaldari ber ekki ábyrgð á heilsu þátttakenda í mótum á vegum þess, á meðan móti stendur né í tengslum við það. Þá ábyrgist mótshaldari eða starfsmenn þess og samstarfaðilar ekki tjón, hvorki líkamlegt né fjárhagslegt, sem þátttakendur verða fyrir vegna þátttöku.
Mótshaldara er heimilt að endurskoða eða breyta skilmálum þessum vegna ófyrirsjáanlegra ástæðna, s.s. náttúruhamfara eða veðurs. Verði breytingar á skilmálum verða þær tilkynntar til þátttakenda með tölvupósti.
Sá aðili sem skráir fleiri en sjálfan sig í mótið samþykkir að vera ábyrgur fyrir að kynna skilmála fyrir þeim sem hann skráir. Ef þau hin sömu eru ekki tilbúin til að samþykkja skilmálana verður skrifleg athugasemd að berast mótshaldara innan tveggja sólarhringa frá skráningu.
Sá sem skráir sjálfan sig og aðra í mótið samþykkir að veita mótshaldara heimild til að nota skráningarupplýsingar, með þeim fyrirvara að skráning eða notkun upplýsinganna sé eðlilegur þáttur í starfsemi mótshaldara. Hér er átt við birtingu úrslita, almennar póstsendingar, tölvupóst og upplýsingar á heimasíðu.
Persónuupplýsingar sem þátttakendur gefa upp verða meðhöndlaðar af fullum trúnaði og ekki miðlað til þriðja aðila. Allar myndir sem teknar eru af opinberum ljósmyndurum mótsins af þátttakendum þess áskilur mótshaldari sér rétt til að nota í markaðs- og kynningarefni.
Mótshaldari gæti sent þátttakendum fáeina tölvupósta með ýmsum mikilvægum tilkynningum eins og t.d. upplýsingum um viðkomandi mót, breytingar á dagskrá og skráningu. Alltaf gefst kostur á að skrá sig af þeim póstlista.

II. GREIÐSLUSKILMÁLAR

Í skráningarferli er reiknivél sem birtir verð í íslenskum krónum.
Heildarfjárhæð þátttökugjalds sem reiknivélin gefur upp er endanlegt verð.
Þátttökugjöld eru ekki endurgreidd.
Ekki er hægt að geyma þátttökugjöld fram á næsta ár.
Ef mótið fer ekki fram vegna ófyrirsjáanlegra atburða, svo sem náttúruhamfara, veðurs o.s.frv., munu greidd þátttökugjöld í mótinu ekki verða endurgreidd.
Greiðsla fer í gegnum rekstraraðila Netskráning.is, Tímataka ehf. kt. 560318-0730.
Hafa skal samband við Tímataka ehf í netfangið timataka@timataka.net varðandi mál er lúta að greiðslum og endurgreiðslubeiðnum. Afgreiðsla slíkra beiðna getur tekið allt að tvær vikur yfir hásumarið vegna anna við mótshald.

III. Skilmálar fyrir viðburði á vegum Hjólreiðafélags Vesturlands.

Skilmálar fyrir viðburði á vegum Hjólreiðafélags Vesturlands.

(Uppfært 9. júní 2020)

Með skráningu í viðburð á vegum Hjólreiðafélags Vesturlands staðfestir þátttakandi að hafa lesið, skilið og samþykkt neðangreinda skilmála í heild. Sé þátttakandi undir 18 ára aldri þegar skráning fer fram þarf foreldri eða forráðamaður að samþykkja þessa skilmála í heild fyrir hönd þátttakanda. Hjálmaskylda er undantekningarlaust á öllum viðburðum sem fram fara á hjóli. Viðburðarstjórn getur gert kröfu á frekari öryggisbúnað fyrir einstaka viðburði.

Skilgreiningar:

Þátttakandi - Sá sem tekur þátt í hvers konar viðburði, hvort sem er keppni, námskeiði, æfingum eða öðru.

Viðburður - Hjólreiðakeppni, samhjól, námskeið, æfingar eða hvers konar viðburður sem skipulagður er af viðburðarstjórn.

Viðburðarstjórn - Sá einstaklingur, hópur eða félag sem heldur viðburð ásamt mótsstjóra, dómurum og öðrum aðilum eftir því sem við á. Viðburðarstjórn hefur ákvörðunarvald á viðburðum.

Viðburðarstaður - Braut, vegur eða annað svæði þar sem viðburður fer fram.

Keppnisstjórn - Sá einstaklingur, hópur eða félag sem heldur hjólreiðakeppni.

Landeigandi - Sá aðili/aðilar sem eiga landsvæðið þar sem viðburður fer fram.

Almennir skilmálar:

Þátttakendur sýna ávallt ýtrustu varúð í samræmi við aðstæður. Þátttakendum ber að virða viðburðareglur og þær reglur sem viðburðastjórn hefur gefið út þegar viðburður er auglýstur. Þátttakendur skulu sýna af sér íþróttamannslega hegðun sem er hjólreiðaíþróttinni til framdráttar og skulu ávallt koma heiðarlega fram við viðburðarstjórn og aðra þátttakendur jafnt á viðburðinum sem og utan viðburðar. Hótanir og niðrandi ummæli um aðra þátttakendur eru hvorki leyfð á viðburðinum né utan viðburðar. Þátttakendur viðburða sem fara fram á opnum vegum skulu fylgja öllum almennum umferðarlögum. Þátttakanda ber að fara eftir tilmælum yfirvalda og viðburðarstjórnar um sóttvarnir.

Ábyrgðarskilmálar:

Þátttakandi/ábyrgðaraðili samþykkir að þátttaka í viðburðum er algjörlega á eigin ábyrgð.

Þátttakandi/ábyrgðaraðili afsalar sér öllum kröfurétti á hendur viðburðarstjórn, landeigendum og öðrum aðilum sem koma að viðburði.

Þátttakendum ber að kynna sér aðstæður vel og taka mið af aðstæðum. Aðstæður til hjólreiða geta breyst fyrirvaralaust og þó að viðburðarstjórn geri sitt besta til að tryggja öryggi á viðburðarstað tekur hún ekki ábyrgð á leyndum eða ófyrirséðum hættum.

Viðburðarstjórn tekur ekki ábyrgð á slysum, andláti eða skemmdum á búnaði sem orðið getur vegna atviks í viðburði eða öðru sem er bein afleiðing af þátttöku í viðburði.

Þátttakanda ber að nota viðeigandi öryggisbúnað, viðburðarstjórn getur sett kröfu um ákveðinn búnað á sínum viðburði og ber þátttakendum að tryggja að sá búnaður uppfylli öryggiskröfur, sé óskemmdur og rétt notaður.

Þátttakandi ber ábyrgð á því að hjól, allur búnaður og tryggingar standist gildandi lög í því landi þar sem viðburðurinn er haldinn.

Þátttakandi/ábyrgðaraðili staðfestir að hann/hún hefur ekki vitneskju um neina líkamlega eða andlega kvilla sem gætu skapað hættu fyrir mig eða aðra þátttakendur í viðburði.

Heimildir viðburðarstjórnar:

Viðburðarstjórn áskilur sér rétt til að fresta eða aflýsa viðburði til að tryggja öryggi þátttakenda komi upp aðstæður sökum veðurs eða annarra illviðráðanlegra orsaka.

Viðburðarstjórn áskilur sér rétt til að breyta skilmálum sé þörf á því.

Viðburðarstjórn sendir uppfærða skilmála á alla þá sem samþykkt hafa eldri skilmála og eru skráðir í viðburð sem framundan er. Séu skilmálir uppfærðir þurfa þátttakendur að samþykkja nýja skilmála til að halda þáttttökurétti.

Viðburðarstjórn áskilur sér rétt til að víkja þátttakanda úr viðburði gerist hann brotlegur við einhverja af ofangreindum skilmálum eða telji hún ástand (ölvun, vímu, þreytu eða annað sem hefur áhrif á getu) eða getustig þátttakanda stofna öryggi hans sjálfs eða annarra í hættu.