Brúarhlaupið á Selfossi

Dagsetning: 8. ágúst 2026

Hið árlega Brúarhlaup á Selfossi er fjölskylduvænn hlaupa- og hjólaviðburður sem hentar jafnt byrjendum sem keppnisfólki. Allar hlaupaleiðir eru löggiltar og mældar upp af viðurkenndum aðila og flögutímataka er í öllum hlaupavegalengdum. 5 km og 10 km hlaupin eru viðurkennd og vottuð af Frjálsíþróttasambandi Íslands.

Vegalengdir

• 800 m Sprotahlaup (börn 8 ára og yngri)
• 3 km skemmtiskokk
• 5 km hlaup
• 10 km hlaup
• 5 km hjólreiðar

Ræsingar

• 11:00 – 5 km hjólreiðar
• 11:30 – 10 km hlaup
• 11:30 – 3 km skemmtiskokk
• 12:00 – 5 km hlaup
• 12:30 – 800 m Sprotahlaup

Rásmark 10 km, 5 km og hjólreiða er á Árvegi á Selfossi. Rásmark 3 km og Sprotahlaups er í Miðbæjargarðinum. Allar vegalengdir enda í Sigtúnsgarðinum í miðbæ Selfoss.

Þátttökugjald

• 10 km: 5.500 kr. í forskráningu / 6.000 kr. á hlaupdegi
• 3 km, 5 km og 5 km hjólreiðar (16 ára og eldri): 3.500 kr. / 4.000 kr. á hlaupdegi
• 3 km, 5 km og 5 km hjólreiðar (15 ára og yngri): 2.500 kr. / 3.000 kr. á hlaupdegi
• 800 m Sprotahlaup: 1.200 kr. / 1.500 kr. á hlaupdegi

Verðlaun

Veittir eru verðlaunapeningar fyrir efstu þrjú sæti í aldursflokkum og í heildarkeppni karla og kvenna í 5 km og 10 km. Einnig eru veitt verðlaun í 3 km hlaupi og 5 km hjólreiðum, auk útdráttarverðlauna meðal þátttakenda. Verðlaunaafhending fer fram kl. 13:00 í Miðbæjargarðinum.

Aðrar upplýsingar

Allir þátttakendur fá frítt í sund að hlaupi loknu gegn framvísun keppnisnúmers, í boði Sveitarfélagsins Árborgar.