Bakgarður 101
Keppnishaldari
Arctic Running
Kt. 570112-0310
natturuhlaup@natturuhlaup.is
Skilmálar
Þín skráning
Bakgarður 101 keppnin verður haldin í þriðja sinn þann 4. maí 2024. Keppnin hefst við Mjölnisheimilið í Öskjuhlíð og fer leiðin um skemmtilega stíga Öskjuhlíðar og góða göngustíga meðfram henni og Nauthólsvík (Um 60% malar- og náttúrustígar og 40% malbik).
Bakgarður 101 er systurkeppni Bakgarðs Náttúruhlaupa sem fer fram í Heiðmörk í september ár hvert. Bakgarður 101 2024 og Bakgarður Náttúruhlaupa 2023 eru undankeppnir (silfurhlaup) fyrir landsliðskeppni í Bakgarðshlaupum sem verður haldin í október 2024. 15 hlauparar munu skipa landsliðið og skv. núverandi stöðu á heildarlista Íslands, þarf að hlaupa meira en 25 hringi til að eiga möguleika að komast í liðið.
Hvernig virka bakgarðshlaup?
Keppnin verður með hefðbundnu sniði bakgarðshlaupa og fer eftir ákveðinni uppsetningu og reglum (http://backyardultra.com/rules/). Hlaupinn er rúmlega 6,7km hringur á hverjum klukkutíma. Sá sem hleypur flesta hringi er sá eini sem klárar hlaupið og stendur uppi sem sigurvegari. Til að klára hlaupið verður viðkomandi að klára síðasta hringinn einn. Hver hringur byrjar alltaf á heila tímanum og er mikilvægt að keppendur séu komnir í ráshólfið og hlaupi af stað þegar bjallan hringir á heila tímanum. Hlauparar sem eru ekki komnir í ráshólfið á heila tímanum þegar hringur er ræstur eru dæmdir úr keppni. Eftir hvern hring má nota tímann sem er eftir af klukkutímanum til að hvílast og undirbúa sig fyrir næsta hring. Heildarvegalengd hlaupara sem klárar 24 hringi (24 klukkutímar) er 100 mílur (160,8km).
Facebook síða Bakgarðskeppnanna: facebook.com/icelandbackyardultra
Staðsetning: Mjölnisheimilið, Öskjuhlíð (Flugvallarvegur 3-3a)
Tímasetning: Keppnin hefst kl. 9:00, laugardaginn 4. maí 2024
Hlaupaleiðin: 6,7km hringur í Öskjuhlíð og á göngustígum meðfram Öskjuhlíð og Nauthólsvík. Leiðin verður vel merkt.
Tímamörk: Klára þarf hvern 6,7km hring innan klukkutíma og vera komin í ráshólfið fyrir næsta hring fyrir heila tímann.
Úrslit: Allir sem taka þátt í Bakgarðshlaupinu fá skráða fjölda hringja og vegalengdina sem þeir klára. Þeir sem klára 24 hringi eða fleiri fá það skráð á heildarlista Bakgarðshlaupa (At-large list: https://backyardultra.com/at-large-list/).
Verðlaun: Þátttöku-/DNF viðurkenning fyrir öll sem taka þátt.
SILFURMIÐI og heimsmeistaramót: Sigurvegari keppninnar fær silfurmiða í landslið Íslands sem keppir á Heimsmeistaramót landsliða í október 2024. Sá keppandi sem fer lengst í landsliðskeppninni á Íslandi getur unnið gullmiða og þátttökurétt á Heimsmeistaramóti einstaklinga í Big Dog’s Backyard Ultra (Tennessee) sem mun fara fram í október 2025.
Góð drykkjarstöð og aðstaða fyrir hlaupara verður í og við Mjölnisheimilið. Lögð verður áhersla á skemmtilega og fjöruga umgjörð allan daginn. Starfsfólk Náttúruhlaupa verða til taks fyrir þátttakendur í hvíldartímanum. Veitingar verða í boði með reglulegu millibili.
Skráning fer fram á Netskraning.is og opnar laugardaginn 21. Október kl. 12:30 (eða rétt eftir að Þorleifur Þorleifsson leggur af stað í fyrsta hring á Heimsmeistaramótinu í Tennessee)!
Greiðsluskilmálar
Verðið í hlaupið er 13.900 kr. og er greitt við skráningu.
Hlaupið endurgreiðir ekki skráningargjaldið. Nafnabreytingar í gegnum Netskraning.is eru leyfðar til og með 22. apríl.
Reglur
Aldurstakmark í hlaupið er 18 ára (16-18 ára mega taka þátt með forráðamanni og mega ekki hlaupa fleiri en 3 hringi skv. reglum FRÍ um framkvæmd utanvegahlaupa).
Sjá nánar almennar reglur í bakgarðshlaupum: http://backyardultra.com/rules/
ATH. Keppendur mega fá utanaðkomandi aðstoð eftir kl. 17:00 á laugardeginum og má aðeins ein manneskja aðstoða hvern hlaupara allan tímann. Keppendur fá sendar ítarlegar upplýsingar um fyrirkomulag og reglur í tölvupósti um leið og frestur fyrir nafnabreytingar lýkur (22. apríl).
Innifalið í skráningu:
Keppnisnúmer og tímataka: Þú hleypur eins marga hringi og þú vilt. Keppninni lýkur þegar aðeins einn hlaupari nær að ljúka hring einn.
Hressing og veitingar á drykkjarstöð allan tímann.
Matur í boði (súpa o.fl.) á um 4-5klst. fresti á laugardeginum.
Þátttökuviðurkenning
Fylgist með á Facebook síðu Bakgarðshlaupanna: facebook.com/icelandbackyardultra