Fjarðargangan 2025

Fjarðargangan 2025
Fjarðargangan fer fram á Ólafsfirði 7. og 8. febrúar 2025. Eins og undanfarin ár bjóðum við upp á frábæra upplifun í Fjarðargöngunni. Brautarstæðið er einstakt og liggur meðal annars eftir götum Ólafsfjarðarbæjar. Stemmningin er frábær og allir mættir til að skora á sjálfan sig, taka þátt og hafa gaman. Vissulega er keppni líka, frábær verðlaun, happadrætti, kjötsúpa, grænmetissúpa, úrdráttarverðlaun og ég veit ekki hvað og hvað.

Við byrjum aftur á föstudagskvöldinu með “NÆTUR” Fjarðargöngu og bjóðum við upp á bæði 15 km fyrir 17 ára og eldri auk 7,5 km sem er opið fyrir alla sem treysta sér til og langar að prófa. Frábær upplifun að ganga að kvöldi til og brautin öll nánast upplýst. Höfuðljós er að sjálfsögðu skylda.

Laugardaginn 8.febrúar verður svo "aðal" Fjarðargangan þar sem öllu verður til tjaldað. Reyndar munum við ekki spara neitt við nætur gönguna, nú verður þetta bara veisla bæði föstudag og laugardag!!!!

Eins og allir vita hefur verið uppselt í Fjarðargönguna undanfarin ár. Við höldum áfram að hafa fjöldatakmarkanir en nú verða 400 rásnúmer til sölu í Fjarðargönguna 8.febrúar. Fjöldatakmörkun í NÆTUR Fjarðargönguna verður 200 rásnúmer.

Stemmningin er mögnuð í Fjarðargöngunni, öll aðstaða í miðjum bænum, startað í miðbænum, einstök umgjörð og við hlökkum til að taka á móti ykkur.

Fjöldatakmörkun í Fjarðargönguna 8.feb 2025 er 400 rásnúmer samtals.

Fjarðargangan 30 km fyrir 17 ára og eldri (Íslandsganga SKÍ)
Fjarðargangan 15 km fyrir 13 ára og eldri
3,5 eða 7,5 km ekkert aldurstakmark (þú ræður vegalengdinni)
Skráningargjald 3.000 kr, Skráningu lýkur 8.febrúar kl. 09:00.allir þátttakendur fá verðlaunapening og halda númeri sínu til minningar.

Fjöldatakmörkun í “NÆTUR” Fjarðargönguna 9.feb 2025 er 200 rásnúmer samtals.

NÆTUR Fjarðargangan 7.febrúar 15 km fyrir 17 ára og eldri.
Skráningargjald 6.000 kr. til og með 20.janúar, eftir það hækkar skráningargjald í 8.000 kr.Skráningu lýkur 7.febrúar kl. 18:30. Dregið í happdrætti úr skráðum þátttakendum 1.des og 2.jan.
Skráningargjald 4.000 kr. Skráningu lýkur 7.febrúar kl. 18:30. Dregið í happdrætti úr skráðum þátttakendum 1.des og 2.jan.

Allir sem taka þátt í NÆTUR Fjarðargöngunni fá veglegan verðlaunapening og halda númeri sínu til minningar.

Báðar göngurnar !!
Dagskrá mótsins er því eftirfarandi:
Föstudagur 7.febrúar
16:00 - 19.00 Sölubásar í íþróttahúsi (Ísfell Húsavík, Fjallakofinn)
16:00 - 18:30 Móttaka keppnisgagna í íþróttahúsinu
19:00 Nætur Fjarðargangan 2025 ræst
Kjötsúpa / grænmetissúpa strax að keppni lokinni
Verðlaunaafhending strax að keppni lokinni
Laugardagur 9. febrúar
08:00 - 14:00 Sölubásar í íþróttahúsi (Ísfell Húsavík, Fjallakofinn)
08:00 - 10:30 Móttaka keppnisgagna í íþróttahúsinu
08:00 - 11:00 Smurningsaðstaða í íþróttahúsi (ekki smurbekkir)